Institut haqida

      Davlat statistika qoʻmitasi huzuridagi Kadrlar malakasini oshirish va statistik tadqiqotlar instituti sobiq Kadrlarni qayta tayyorlash va statistika tadqiqotlari markazining huquqiy vorisi hisoblanadi.

      Institut oʻz faoliyatini Davlat statistika qoʻmitasining 2019-yil 10-sentabrdagi 94-sonli buyrugʻi bilan tasdiqlangan Ustavga (Toshkent shahar, Mirzo Ulugʻbek tumani Davlat xizmatlari markazida 2019-yil 11-sentabrda roʻyxatga olingan), har yili Davlat statistika qoʻmitasi tomonidan tasdiqlanadigan davlat statistika organlari xodimlarining malakasini oshirish va qayta tayyorlash dasturi hamda statistika tadqiqotlarini amalga oshirish dasturiga muvofiq amalga oshiradi.

     Institut faoliyatining asosiy maqsadi - davlat statistika organlari xodimlarining malakasini oshirishni tizimli asosda samarali tashkil qilish, oʻqitish jarayoniga axborot-kommunikatsiya texnologiyalarini va innovatsion usullarni keng joriy etish, iqtisodiy va ijtimoiy sohalarda, shuningdek tarmoqlar va mintaqaviy muommolar boʻyicha statistik tadqiqotlarni olib borishdan iborat. Tizim xodimlarini qayta tayyorlash va malakasini oshirish boʻyicha institutda 2 ta qafedra, iqtisodiy va ijtimoiy sohalarda, hamda tarmoqlar va mintaqaviy muammolar boʻyicha statistik tadqiqotlarni olib borish boʻyicha 3 ta boʻlim tashkil etilgan.

   Institutda “Oʻzbekiston statistika axborotnomasi” choraklik elektron ilmiy jurnali (www.statmirror.uz, Axborot va ommaviy kommunikatsiyalar agentligining 2019-yil 27-avgustdagi 1309-son guvohnomasi) nashr etiladi. Oliy attestatsiya komissiyasi Rayosatining 2019-yil 30-sentabrdagi 269/2-son qaroriga asosan, “Ekonometrika va statistika” hamda “Iqtisodiyotda axborot tizimlari va texnologiyalari” ixtisosliklari boʻyicha iqtisodiyot fanlari doktori ilmiy darajasini beruvchi ilmiy kengash (DSc.30.09.2019.I.92.01 raqamli) faoliyat yuritadi. Mos ravishda, har yili ajratiladigan qabul kvotalariga asosan, ilmiy izlanuvchilar uchun mazkur ixtisosliklar boʻyicha tayanch doktorantura va doktorantura tashkil etiladi.

    Курсы на ближайший месяц!
Новости

E ' L O N

22-09-2021

2022 yil uchun tayanch doktorantura va doktorantura hamda mustaqil izlanuvchilikka quyidagi ixtisosliklar boʻyicha qabul eʼlon qiladi:

Topshiriq ijro qilinmoqda!

15-09-2021

2021 yil 14 sentabr kuni institut direktorining ilmiy ishlar, innovatsiyalar va xalqaro aloqalar boʻyicha oʻrinbosari N.Xaydarov va Iqtisodiy muammolar boʻyicha statistika tadqiqotlari boʻlimi yetakchi mutaxassisi K.Jumanazarov institut direktorining 2021 yil 24 iyuldagi 36-sonli buyrugʻi hamda Davlat statistika qoʻmitasi raisi ning 2021 yil oltinchi avgustdagi xronometraj oʻtkazish boʻyicha chora-tadbirlar rejasini ijrosini oʻrganish yuzasidan Davlat statistika qoʻmitasiga tashrif qilishdi.

Anʼanaviy va masofadan oʻqitish (onlayn) shaklida joriy yilning oktabr oyida tashkil etiladigan oʻquv kurslari toʻgʻrisid

07-09-2021

2020 yil 30 dekabrda tasdiqlangan “Davlat statistika organlari xodimlarini 2021 yilda qayta tayyorlash va malakasini oshirish dasturi” va oʻquv kurslarini oʻtkazish jadvaliga muvofiq, Kadrlar malakasini oshirish va statistik tadqiqotlar instituti tomonidan shu yilning oktabr oyida quyidagi oʻquv kurslari tashkil etiladi: