Institut haqida


    Davlat statistika qoʻmitasi huzuridagi Kadrlar malakasini oshirish va statistik tadqiqotlar instituti sobiq Kadrlarni qayta tayyorlash va statistika tadqiqotlari markazining huquqiy vorisi hisoblanadi.

 

    Institut oʻz faoliyatini Davlat statistika qoʻmitasining 2019-yil 10-sentabrdagi 94-sonli buyrugʻi bilan tasdiqlangan Ustavga (Toshkent shahar, Mirzo Ulugʻbek tumani Davlat xizmatlari markazida 2019-yil 11-sentabrda roʻyxatga olingan), har yili Davlat statistika qoʻmitasi tomonidan tasdiqlanadigan davlat statistika organlari xodimlarining malakasini oshirish va qayta tayyorlash dasturi hamda statistika tadqiqotlarini amalga oshirish dasturiga muvofiq amalga oshiradi.

 

    Institut faoliyatining asosiy maqsadi - davlat statistika organlari xodimlarining malakasini oshirishni tizimli asosda samarali tashkil qilish, oʻqitish jarayoniga axborot-kommunikatsiya texnologiyalarini va innovatsion usullarni keng joriy etish, iqtisodiy va ijtimoiy sohalarda, shuningdek tarmoqlar va mintaqaviy muommolar boʻyicha statistik tadqiqotlarni olib borishdan iborat. Tizim xodimlarini qayta tayyorlash va malakasini oshirish boʻyicha institutda 2 ta kafedra, iqtisodiy va ijtimoiy sohalarda, hamda tarmoqlar va mintaqaviy muammolar boʻyicha statistik tadqiqotlarni olib borish boʻyicha 3 ta boʻlim tashkil etilgan.

 

    Institutda “Oʻzbekiston statistika axborotnomasi” choraklik elektron ilmiy jurnali (www.statmirror.uz, Axborot va ommaviy kommunikatsiyalar agentligining 2019-yil 27-avgustdagi 1309-son guvohnomasi) nashr etiladi. Oliy attestatsiya komissiyasi Rayosatining 2019-yil 30-sentabrdagi 269/2-son qaroriga asosan, “Ekonometrika va statistika” hamda “Iqtisodiyotda axborot tizimlari va texnologiyalari” ixtisosliklari boʻyicha iqtisodiyot fanlari doktori ilmiy darajasini beruvchi ilmiy kengash (DSc.30.09.2019.I.92.01 raqamli) faoliyat yuritadi. Mos ravishda, har yili ajratiladigan qabul kvotalariga asosan, ilmiy izlanuvchilar uchun mazkur ixtisosliklar boʻyicha tayanch doktorantura va doktorantura tashkil etiladi.

 Institutning 2019-2021 yillardagi faoliyati

natijalari bilan batafsil tanishish

Новости

Iqtisodiyot fanlari doktori, professor M.A.Abduraxmanov bilan davra suhbati.

12-05-2022

2022 yil 12 may kuni Davlat statistika qo‘mitasi huzuridagi Kadrlar malakasini oshirish va statistik tadqiqotlar institutida Qozog‘iston iqtisodiyot, moliya va xalqaro savdo universitetining professori, iqtisodiyot fanlari doktori Abduraxmanov Mirzatilla Abdullayevich ishtirokida davra suhbati bo‘lib o‘tdi.

An’anaviy va masofadan o‘qitish (onlayn) shaklida 2022 yilning may oyida tashkil etiladigan o‘quv kurslari to‘g‘risida

05-05-2022

2021 yil 20 dekabrda tasdiqlangan “Davlat statistika qo‘mitasi huzuridagi Kadrlar malakasini oshirish va statistik tadqiqotlar institutida 2022 yilda davlat statistika organlari xodimlarini qayta tayyorlash va malakasini oshirish dasturi” va o‘quv kurslarini o‘tkazish jadvaliga muvofiq, Kadrlar malakasini oshirish va statistik tadqiqotlar instituti tomonidan shu yilning may oyida quyidagi o‘quv kurslari tashkil etiladi:

An’anaviy o‘qitish shaklida 2022 yilning aprel oyida tashkil etilgan o‘quv kurslarining yakunlagani to‘g‘risida

05-05-2022

2021 yil 20 dekabrda tasdiqlangan “Davlat statistika qo‘mitasi huzuridagi Kadrlar malakasini oshirish va statistik tadqiqotlar institutida 2022 yilda davlat statistika organlari xodimlarini qayta tayyorlash va malakasini oshirish dasturi” va o‘quv kurslarini o‘tkazish jadvaliga muvofiq, Kadrlar malakasini oshirish va statistik tadqiqotlar instituti tomonidan shu yilning aprel oyida davlat statistika organlari xodimlari uchun tashkil etilgan quyidagi o‘quv kurslari yakunlandi: